💃🏻空中活動 𝘼𝙚𝙧𝙞𝙖𝙡 𝘼𝙘𝙩𝙞𝙫𝙞𝙩𝙞𝙚𝙨 ♠️ 💫空中活動小知識 課前準備篇🪐

💃🏻空中活動 𝘼𝙚𝙧𝙞𝙖𝙡  𝘼𝙘𝙩𝙞𝙫𝙞𝙩𝙞𝙚𝙨 ♠️ 
💫空中活動小知識 課堂篇🪐

唔少同學仔第一次嚟上堂玩空中活動嘅時候，都會不約而同地有好多唔清楚嘅地方～
今日就等我係依個篇章同大家講吓啦～😆

身體狀況💪🏻
究竟我適唔適宜去玩空中活動呢？🤔
其實🤰🏻孕婦、眼👀、心血管🫀疾病人士係禁止🚫上堂㗎，
💉高/低血壓、血糖人士請先資詢醫生意見🥼
低血糖嘅同學仔建議食一啲糖份補充嘅小零食，以避免過度頭暈引致嘅不適。😇
如果女同學仔係經期期間🩸，要自行衡量身體能力，亦要做足防漏措施。
綜合以上各種，而自己身體可以的話就可以嚟上堂～⚠️謹記凡事安全第一！

課前進食👅
建議同學係課堂開始前1小時進食🍲，避免食完放題、自助餐後好飽咁上堂🤣。可以的話盡量唔好last minute 先食嘢😵。如果真係冇辦法嘅話就食一啲輕量啲嘅嘢，好似一條香蕉🍌/Energy bar咁。
空中活動經常會有旋轉同倒吊嘅動作，嘢食未及時落到腸胃進行消化好易會作嘔🤢，倒吊時甚至有可能因地心吸力而嘔吐出嚟。🤮😖
空中活動會用到我哋全身各部份嘅肌肉，消耗大量體力，所以千祈唔好空肚嚟上堂啊🤯～

服飾🎩
空中活動有機會產生瘀傷及勒痕🦵🏻實屬正常現象，請同學自行平估風險。🙇🏻‍♂️
📢建議同學上課當日，
穿着/帶備瑜伽褲或較貼身緊褲以作保護。🪡
貼身嘅衣物可以幫助減低我哋皮膚同所用到嘅空中工具之間嘅磨擦同碰撞，減少發生瘀傷以及過快滑落而燒皮膚嘅情況發生。⛑
另外貼身衣物可以增加空中活動嘅靈活性，同學係做一啲倒吊或者更高難度嘅動作時，唔會因為過度寬鬆嘅衣服而被卡住，使同學喺空中上面嘅動作更加敏捷～🧚🏻
穿着貼身衣物亦可以令導師更清楚咁睇到同學嘅肢體發力，給予更準確嘅糾正同指導。🧑🏻‍🏫
同學亦應盡量避免佩戴較大嘅手飾💍、頸鏈同耳環，因為好容易會喺空中碰撞到自己而受傷、 損壞你嘅飾物，或者空中工具。😖
可以的話盡量佩戴隱形眼鏡👓，以避免眼鏡框喺空中活動期間不慎插到自己。😳

毛巾🧖‍♀️
同學可以根據自己排汗嘅程度，預先準備定毛巾去抹汗💦。
如果唔想直接使用Studio共用嘅瑜伽墊，都建議同學可以買防滑瑜伽毛巾(Yoga Towel) 去自備，上堂嘅時候鋪喺共用瑜伽墊上面，達到更乾爽衛生嘅狀態～🧼
經常出手汗🤚🏻嘅同學仔亦都可以帶定一啲爽身粉以備不時之需。

水份補充🚰
如果可以嘅話請自備飲用水💧。
大多數練習場不設免費水，
但如有需要同學亦可以購買樽裝水。
建議支持環保減少購買樽裝水♻️

心態🧘🏻

1.放鬆relaxation
上空中課堂係俾一個時間自己腦袋安靜落嚟重新啟動🧠，專心致志去看待、感受自己身體嘅內在潛能🫀。件事係於個人自己之內嘅，學識去係呢一個空間到控制自己嘅腦袋，感受自己嘅身體。

2.專注自己🎯，避免比較🎭
雖然大部份時間都會團體式上課，並非一對一私人授課，同場亦會有其他同學仔齊上堂。
每個人嘅能力唔一樣，做出嚟嘅效果亦唔一樣。👯
同學仔唔需要太過執着於比較，應該相信自己。盡咗自己最大嘅能力就已經好好，好叻。🏃🏻‍♀️
每個人都生而不同，學會欣賞自己嘅長處、明白理解自己嘅不足，先會體現出最靚、最吸引嘅自己～😍
發現自己嘅不足，亦都可以同老師溝通，睇吓可以如何幫助你揚長避短～💪🏻
如果身體有啲咩狀況記得唔好勉強自己，記得同老師反饋自己嘅身體狀況🤒
⚠️與導師溝通好重要!!!

3.專心聽講👂🏻，認真對待👁
請認真留心專心地聽老師講解、示範。🗣
老師所講嘅每一個指引都係睇咗幫助你安全去做到空中課堂上嘅動作而講嘅。🧑🏻‍🏫
千祈唔好太大意或急住去做，因為咁樣有可能會加大受傷嘅機會。🩹
有唔明白或者聽漏咗嘅地方，記得要問清楚老師先再去做。🙋🏻
能夠同聚埋一齊去學習係一種緣份，記得珍惜每一刻。Namaste🙏🏻

睇完之後覺得自己有興趣而身體又允許嘅同學仔，👑
如果仲未試過係空中飛翔🛫，唔洗驚！
放膽咁，去玩啦！🦋

Written by Missionary On Air (Malinda)

Instagram: https://instagram.com/missionaryonair?utm_medium=copy_link