💃🏻空中活动 𝘼𝙚𝙧𝙞𝙖𝙡 𝘼𝙘𝙩𝙞𝙫𝙞𝙩𝙞𝙚𝙨 ♠️ 💫空中活动小知识 课前准备篇🪐

💃🏻空中活动 𝘼𝙚𝙧𝙞𝙖𝙡  𝘼𝙘𝙩𝙞𝙫𝙞𝙩𝙞𝙚𝙨 ♠️ 
💫空中活动小知识 课堂篇🪐

唔少同学仔第一次嚟上堂玩空中活动嘅时候，都会不约而同地有好多唔清楚嘅地方～
今日就等我系依个篇章同大家讲吓啦～😆

身体状况💪🏻
究竟我适唔适宜去玩空中活动呢？🤔
其实🤰🏻孕妇、眼👀、心血管🫀疾病人士系禁止🚫上堂㗎，
💉高/低血压、血糖人士请先资询医生意见🥼
低血糖嘅同学仔建议食一啲糖份补充嘅小零食，以避免过度头晕引致嘅不适。😇
如果女同学仔系经期期间🩸，要自行衡量身体能力，亦要做足防漏措施。
综合以上各种，而自己身体可以的话就可以嚟上堂～⚠️谨记凡事安全第一！

课前进食👅
建议同学系课堂开始前1小时进食🍲，避免食完放题、自助餐后好饱咁上堂🤣。可以的话尽量唔好last minute 先食嘢😵。如果真系冇办法嘅话就食一啲轻量啲嘅嘢，好似一条香蕉🍌/Energy bar咁。
空中活动经常会有旋转同倒吊嘅动作，嘢食未及时落到肠胃进行消化好易会作呕🤢，倒吊时甚至有可能因地心吸力而呕吐出嚟。🤮😖
空中活动会用到我哋全身各部份嘅肌肉，消耗大量体力，所以千祈唔好空肚嚟上堂啊🤯～

服饰🎩
空中活动有机会产生瘀伤及勒痕🦵🏻实属正常现象，请同学自行平估风险。🙇🏻‍♂️
📢建议同学上课当日，
穿着/带备瑜伽裤或较贴身紧裤以作保护。🪡
贴身嘅衣物可以帮助减低我哋皮肤同所用到嘅空中工具之间嘅磨擦同碰撞，减少发生瘀伤以及过快滑落而烧皮肤嘅情况发生。⛑
另外贴身衣物可以增加空中活动嘅灵活性，同学系做一啲倒吊或者更高难度嘅动作时，唔会因为过度宽松嘅衣服而被卡住，使同学喺空中上面嘅动作更加敏捷～🧚🏻
穿着贴身衣物亦可以令导师更清楚咁睇到同学嘅肢体发力，给予更准确嘅纠正同指导。🧑🏻‍🏫
同学亦应尽量避免佩戴较大嘅手饰💍、颈链同耳环，因为好容易会喺空中碰撞到自己而受伤、 损坏你嘅饰物，或者空中工具。😖
可以的话尽量佩戴隐形眼镜👓，以避免眼镜框喺空中活动期间不慎插到自己。😳

毛巾🧖‍♀️
同学可以根据自己排汗嘅程度，预先准备定毛巾去抹汗💦。
如果唔想直接使用Studio共用嘅瑜伽垫，都建议同学可以买防滑瑜伽毛巾(Yoga Towel) 去自备，上堂嘅时候铺喺共用瑜伽垫上面，达到更干爽卫生嘅状态～🧼
经常出手汗🤚🏻嘅同学仔亦都可以带定一啲爽身粉以备不时之需。

水份补充🚰
如果可以嘅话请自备饮用水💧。
大多数练习场不设免费水，
但如有需要同学亦可以购买樽装水。
建议支持环保减少购买樽装水♻️

心态🧘🏻

1.放松relaxation
上空中课堂系俾一个时间自己脑袋安静落嚟重新启动🧠，专心致志去看待、感受自己身体嘅内在潜能🫀。件事系于个人自己之内嘅，学识去系呢一个空间到控制自己嘅脑袋，感受自己嘅身体。

2.专注自己🎯，避免比较🎭
虽然大部份时间都会团体式上课，并非一对一私人授课，同场亦会有其他同学仔齐上堂。
每个人嘅能力唔一样，做出嚟嘅效果亦唔一样。👯
同学仔唔需要太过执着于比较，应该相信自己。尽咗自己最大嘅能力就已经好好，好叻。🏃🏻‍♀️
每个人都生而不同，学会欣赏自己嘅长处、明白理解自己嘅不足，先会体现出最靓、最吸引嘅自己～😍
发现自己嘅不足，亦都可以同老师沟通，睇吓可以如何帮助你扬长避短～💪🏻
如果身体有啲咩状况记得唔好勉强自己，记得同老师反馈自己嘅身体状况🤒
⚠️与导师沟通好重要!!!

3.专心听讲👂🏻，认真对待👁
请认真留心专心地听老师讲解、示范。🗣
老师所讲嘅每一个指引都系睇咗帮助你安全去做到空中课堂上嘅动作而讲嘅。🧑🏻‍🏫
千祈唔好太大意或急住去做，因为咁样有可能会加大受伤嘅机会。🩹
有唔明白或者听漏咗嘅地方，记得要问清楚老师先再去做。🙋🏻
能够同聚埋一齐去学习系一种缘份，记得珍惜每一刻。Namaste🙏🏻

睇完之后觉得自己有兴趣而身体又允许嘅同学仔，👑
如果仲未试过系空中飞翔🛫，唔洗惊！
放胆咁，去玩啦！🦋

Written by Missionary On Air (Malinda)

Instagram: https://instagram.com/missionaryonair?utm_medium=copy_link