储蓄保X老母：到底点解啲人成日话佢呃人？
观众要求：好奇宝宝就得鸟
-----------------
话说早排睇到个连登post《成日听储蓄保险呃人 究竟点解》，我就谂起我有个朋友佢而家月供紧5k储蓄保，又同女朋友出左尼租楼住，而家个个月都手头紧。我尝试过说服佢唔好供但佢无听我建议，虽然唔能够导人向善系我道行唔够，但而家见亲都问佢仲有几耐先供完再强烈耻笑佢。
咁耻笑还耻笑，个笑点系边呢？系咪话储蓄保真系on99呢？等我再重申一次：投资工具只系工具，有无用完全睇用果条友。虽然整体而言，我个人对储蓄保嘅评价系唔高，但我都系力陈利害，等各位自行判断。
所谓储蓄保，大约有以下特性*：
- 定期向保险公司缴交指定金额
- 中途退保取回金额，很可能远低于已缴保费
- 一般存在手续费
- 期满回报分保证部份同非保证回报
- 回报低，3.3%已经算系「高达」**，而过去十年平均通胀率系2.86%
咁以一个投资产品对一个投资人嘅角度尼讲呢，第一点已经好湿滞。每月都必须要供款意味住你每个月可以支配嘅现金减少，即系话如果你突然想投资、睇医生、买野等等用现金先做到嘅野你就做少左。Cash is option and cashflow is freedom，本来投资就应该系为左增加被动现金流，一个减少Cashflow嘅投资在我眼中看来就系本末倒置。当然对于完全无自制力嘅人尼讲一出粮就拎走佢啲钱可能系一件好事，但我假设各位都系有自制力而且想投资先会入尼睇文，所以无自制力嘅人由佢死啦。
第二点就系流动性问题。所谓流动性，大家可以先理解为短时间内动用钱嘅能力，因此除左储蓄仲可以计埋借贷力。流动性对个人尼讲好重要，有咩急病要做心术、生意周转唔尼、甚至系请下屋企人食餐好等等大lump sum嘅支出，就系由流动性支撑。储蓄保个问题就系通过退回罚款锁定你旧钱，等你无法动用呢笔财富，即系拎走你嘅流动性，减低你应付突发事件嘅能力。如果你主要资产系储蓄保，有流动性需要嘅时候系咪要问人借？银行咁高息（相对储蓄保嘅回报），你短短地借一年可能已经蚀番转头。
第三点系手续费，手续费好阴湿咁偷走你嘅回报，尤其系投资额唔高嘅情况下，手续费占比就会好高，甚至会蚀埋你本身已经系个悲剧嘅回报。
第四点系连登po入面都有讲，就话之所以会令人觉得呃人，最主要系因为啲经纪成日都会笃住个非保证回报去sell你，讲到好好赚咁氹你买（which对于一个有视野嘅投资者尼讲，你去到7%都未必会买）。呢个就系第四点个on9位。
讲到呢度，我想顺手介绍下保险公司系点赚钱嘅。保费同赔偿嘅比例系经过精算，确保意外发生嘅赔偿唔会多过收番尼嘅保费凸。但保险公司系其实通过投资赚钱嘅，而唔系卖人寿然后赌你唔死。由于收番尼嘅保费系先于赔偿发生，保险公司就会有大量闲余现金，称为浮存金Float#。呢啲现金梗系用尼投资赚钱啦，仲要唔似得银行只能贷款，佢可以投资系好多唔嘅证券，赚取比银行更高嘅回报。银行啲存款都要比利息，保费呢啲资金系接近零成本架！你唔要嘅流动性同现金，识玩嘅专家视之如宝啊柒头！
第五点就系回报低，真系啱啱好够追通胀，名副其实系储蓄保（做咩啫人地名副其实又要比你屌？），呢个系死罪尼。点解死罪？因为过去十年有四年通胀系超过3.3%，即系实际上购买力衰退，储蓄都唔撚得；仲要想话杠杆增加回报都唔得，真系胶都费撚事派。
咁有啲人就话啦，储蓄保安全吖！风险同回报梗系成正比架啦！我话你知，风险高回报先高、回报低风险就低系我人生听过最大嘅大话，有机再讲。我系度比大家睇下风险低过或者等于储蓄保嘅其他投资产品嘅回报你就明：
iBond，通胀挂勾，最大杠杆33倍，回报过20%，由香港政府支持
长江基建集团，做供水供电，派息连续22年增长，最大杠杆5倍，回报可达25%，诚哥睇场
最好笑系连AIG呢啲大保险公司嘅公司债##唔做杠杆都有4.89%回报，咁你话我买AIG嘅债券定买佢嘅保险（唔肯定佢有无储蓄保但一定有人寿）好？
------------
*参考自《【储蓄保险 2020】储蓄保险边间好？比较计划好处及陷阱》
**立桥人寿喜盈于「息」五年储蓄保障计划 2，保单供款期为2 年，5 年期满，而保费门槛由年缴2,500美元起，期满保证回报率每年为3.27厘，如一笔过同时预缴第二年保费，期满保证回报率更可高逹每年3.3厘，摘自《【储蓄保险 2020】储蓄保险边间好？比较计划好处及陷阱》
***2019统计年报第7页
#How To Value An Insurance Company
##AIG CORP 6.25 Mar15 2037 026874BE6