有冇試過做野想做到想自殺？

唔知大家有冇試過返工返到日喊夜喊，就好似失戀咁。

我，由一間私人公司做'媽劇停' 去左做HA既EA2

仲記得個陣身邊好多人都支持我去做HA，人工又高左，又穩定，又係一個新嘗試

咁就把心一橫，充滿呢個新希望咁辭職，點知一返就係惡夢既開始

大家都知，醫院既環境有幾好，仲要係政府野，正正常常比到個位你都還得神落

好彩我都係工廈做過野，D咩環境未見過，但係世事永遠都係係你估佢唔到。

第一日返工，姑娘用左半日時間講下D rules 同遊花園，臨尾好記得佢同我講' 呀妹，你去個度唔係咁易做，做得唔開心既，最多就唔好做'

心諗： Are you kidding me ? 咩叫做得唔開心最多唔做？個度係地獄？

個陣既我果然係太天真，一心只係覺得，有冇咁得人驚，會食左我咩

但係當我第一次行到入去，就知真係出事啦。。。

大家幻想一下，當你坐係度個陣，你既檯面有部PC係你右手面，PC隔離有個電話，腳下面有個大櫃桶頂住你，你唔打開隻腳係坐唔到！

咩料呀宜家，都係有個正常位，最基本既尊重，起碼腳底冇野！係咪玩緊我呀？

再睇下附近既人，雖然個位都唔係好好，但最少腳底係冇野囉

如果有新人返工，起碼都執執佢，諗下計會唔會擺其他地方啦，其實有冇尊重過人呢？