职场初哥，回样投资先最好？

好快又有新一届毕业生准备踏入职场，唔知你地又有冇谂过点样好好理财呢？好多人都因为年轻时无好好计划自己既财富，每次出粮都做「月光族」，到中年就后悔莫及。其实年轻人真系好应该趁年轻好好学识投资，一来家庭负担未系好大，二黎可以承受较高嘅投资风险，第三就系愈早开始投资愈好，可以利用复息效应令你财富增值，而年期愈长，复息效应愈大。

 

至于投资应该点样开始呢？最容易入手既就系强积金，只要薪金够法定水平，雇主同雇员就要强制性月供强积金。强积金系法定退休金制度，通常要65岁先攞得。而强积金产品实际上都系买基金，所以第一步系了解各类强积金基金，一般而言，基金的预期回报愈高，潜在风险亦会愈高，大家可以从基金既风险程度、收费及回报表现三方面著手，设定自己既投资组合。但选择了适合自己既基金之后，唔应该将你的强积金帐户置之不理，反而应定期检视基金既长期表现及稳定性，令佢发挥最大的效益。

 

岩岩提过强积金系基金产品，但除左买强积品基金外亦可投资传统既基金产品，不过传统基金产品条款复杂，而且收费名目多，费用比强积金基金贵，未有投资回报，先要付高昂成本，虽然依家好多公司都有标榜低门槛基金产品，但对投资经验唔多既fresh grad，就唔系一个好既投资选择啦！

 

投资股票，应该系最多人讨论同选择既投资渠道，一来获利多而快，二来弹性高，获利高可即时套现。不过回报高既同时风险亦高，所以亦不时听到有人在股市中蚀钱之余又要「坐艇」。所以fresh grad系入市之前，一定要做足功课，但市面上评论股票时资讯多，讯息量大，亦不乏有心之徒从中作梗，所以接受相关讯息亦应该有自己既批判同思考能力。如果有正职既大家冇时间日日睇住个市，亦都可以选择投资ETF，即系上咗市交易嘅基金，但比基金好处系管理费更低，无其他手续费，而且喺交易所可以即时卖出，套现返现金。或者选择月供股票，令你定时定额进行投资，唔使经常Mon住个市。除此之外，亦应该比较唔同既开证券户口嘅机构，择一间低佣金券商，减低你投资成本。