職場初哥，回樣投資先最好？

好快又有新一屆畢業生準備踏入職場，唔知你地又有冇諗過點樣好好理財呢？好多人都因為年輕時無好好計劃自己既財富，每次出糧都做「月光族」，到中年就後悔莫及。其實年輕人真係好應該趁年輕好好學識投資，一來家庭負擔未係好大，二黎可以承受較高嘅投資風險，第三就係愈早開始投資愈好，可以利用複息效應令你財富增值，而年期愈長，複息效應愈大。

 

至於投資應該點樣開始呢？最容易入手既就係強積金，只要薪金夠法定水平，僱主同僱員就要強制性月供強積金。強積金係法定退休金制度，通常要65歲先攞得。而強積金產品實際上都係買基金，所以第一步係了解各類強積金基金，一般而言，基金的預期回報愈高，潛在風險亦會愈高，大家可以從基金既風險程度、收費及回報表現三方面著手，設定自己既投資組合。但選擇了適合自己既基金之後，唔應該將你的強積金帳戶置之不理，反而應定期檢視基金既長期表現及穩定性，令佢發揮最大的效益。

 

岩岩提過強積金係基金產品，但除左買強積品基金外亦可投資傳統既基金產品，不過傳統基金產品條款複雜，而且收費名目多，費用比強積金基金貴，未有投資回報，先要付高昂成本，雖然依家好多公司都有標榜低門檻基金產品，但對投資經驗唔多既fresh grad，就唔係一個好既投資選擇啦！

 

投資股票，應該係最多人討論同選擇既投資渠道，一來獲利多而快，二來彈性高，獲利高可即時套現。不過回報高既同時風險亦高，所以亦不時聽到有人在股市中蝕錢之餘又要「坐艇」。所以fresh grad係入市之前，一定要做足功課，但市面上評論股票時資訊多，訊息量大，亦不乏有心之徒從中作梗，所以接受相關訊息亦應該有自己既批判同思考能力。如果有正職既大家冇時間日日睇住個市，亦都可以選擇投資ETF，即係上咗市交易嘅基金，但比基金好處係管理費更低，無其他手續費，而且喺交易所可以即時賣出，套現返現金。或者選擇月供股票，令你定時定額進行投資，唔使經常Mon住個市。除此之外，亦應該比較唔同既開證券戶口嘅機構，擇一間低佣金券商，減低你投資成本。