情人節的故事之 「幸有新春情人節 愧無燭光共晩餐」

「Honey ，今天是情人節你有乜嘢表示先？」阿花。

「哎喲，我以為今日初三唔駛去你屋企拜年咋。」阿坤。

「以往我地習慣扒房燭光晚餐！」阿花。

「係呀，不過而家限聚令6點後無堂食。」其實阿坤唸多得林鄭唔少，今年慳番筆。

「冇咗燭光晚餐咁點算過情人節？」阿花。

「呀！不如我哋去元朗買碗B仔豆腐花去西貢碼頭食啦！夠浪漫！」阿坤。

「撞鬼你呀，夜麻麻去西貢碼頭捧住碗豆腐花？咁駛唔駛點埋枝蠟燭去驅蚊呀？」阿花。

「都好噃！」阿坤。

「好你個死人頭，你又失業、又唸出點過情人節，我不如去搵阿文！」阿花。

「個死人林鄭，搞乜鬼嘢限聚令，分分鐘連棵🌹都冇埋！」阿坤正當自怨自艾。

忽然唸到自己失左業就係因為冇遊客來，酒店大減價....

「打令，我即刻去book 四季酒店，叫兩客5成熟🐂扒，帶埋洋燭來一個本世紀最浪漫的「燭光晚餐」」阿坤。

「嘩！四季酒店好貴𠺢，錫晒你！」阿花。

「唔緊要，一年一次，幾貴都得啦！」阿坤唸今次仲唔得米，今晚唔止「燭光晚餐」，仲有......越唸越好笑。

「酒店鋸扒之馬，做乜笑得咁鬼淫？」阿花。

正當開好房，一切準備就緒，忽然門鈴響起，一打開門，見到...

「Happy Valentine’s Day !」阿文帶埋阿儀上嚟。

「阿花話俾我知你地咁樣慶祝情人節，我地又book 唔切房，所以咪上嚟大家一齊慶祝Valentines day 囉！」阿儀。

「吓！四季平安？」阿坤當堂苦笑，食到咀邊的牛扒竟然「飛」咗出去。呢次真係：

「賠了夫人又折兵」！