情人节的故事之 「幸有新春情人节 愧无烛光共晩餐」

「Honey ，今天是情人节你有乜嘢表示先？」阿花。

「哎哟，我以为今日初三唔驶去你屋企拜年咋。」阿坤。

「以往我地习惯扒房烛光晚餐！」阿花。

「系呀，不过而家限聚令6点后无堂食。」其实阿坤念多得林郑唔少，今年悭番笔。

「冇咗烛光晚餐咁点算过情人节？」阿花。

「呀！不如我哋去元朗买碗B仔豆腐花去西贡码头食啦！够浪漫！」阿坤。

「撞鬼你呀，夜麻麻去西贡码头捧住碗豆腐花？咁驶唔驶点埋枝蜡烛去驱蚊呀？」阿花。

「都好噃！」阿坤。

「好你个死人头，你又失业、又念出点过情人节，我不如去揾阿文！」阿花。

「个死人林郑，搞乜鬼嘢限聚令，分分钟连棵🌹都冇埋！」阿坤正当自怨自艾。

忽然念到自己失左业就系因为冇游客来，酒店大减价....

「打令，我即刻去book 四季酒店，叫两客5成熟🐂扒，带埋洋烛来一个本世纪最浪漫的「烛光晚餐」」阿坤。

「哗！四季酒店好贵𠺢，锡晒你！」阿花。

「唔紧要，一年一次，几贵都得啦！」阿坤念今次仲唔得米，今晚唔止「烛光晚餐」，仲有......越念越好笑。

「酒店锯扒之马，做乜笑得咁鬼淫？」阿花。

正当开好房，一切准备就绪，忽然门铃响起，一打开门，见到...

「Happy Valentine’s Day !」阿文带埋阿仪上嚟。

「阿花话俾我知你地咁样庆祝情人节，我地又book 唔切房，所以咪上嚟大家一齐庆祝Valentines day 啰！」阿仪。

「吓！四季平安？」阿坤当堂苦笑，食到咀边的牛扒竟然「飞」咗出去。呢次真系：

「赔了夫人又折兵」！