「AA制」很大問題嗎？

最近與一個女性朋友食飯，她突然很認真問我一個問題﹕「最近同個新識既男仔第一次出去食飯，佢竟然要我提出賣單，仲要我先俾錢，我可以點做呀？」我問﹕「咁即係你請。」朋友答﹕「咁又唔係，佢都有俾返一半我，但我覺得咁真係好有問題！」我﹕「其實都係AA呀，唔好諗太多啦！唔適合一係做朋友啦！」朋友說﹕「你梗係咁講啦，你個個俾曬啲錢你，我點先可以好似你咁，我另一半會乖乖俾曬錢我呀？」我﹕「……」

其實我相信好多朋友都已經見過不同的文章，都會覺得其實食飯，唔一定要男方俾，而且既然女方自己都有能力，為何一定要男生全負責呢？當然我明白，如果想有一個好印象，都會先請女生，但應該不是必然吧？即使於日本或外國，其實食飯，都是AA制的，如果男方全負責，女方更會感到有壓力。

而且我必須要強調，另一半不是「俾曬啲錢我」，而是我們有一個並同目標，所以雙方先會願意把大部份的金錢都放到同一個戶口，以希望實現自己的目標。天下間亦沒有免費午餐，當另一半完全信任你時，應該你也要付出一定程度吧！所以不要覺得男方付錢或會俾女方「家用」是必然的。而且有時候，AA制也不是一件差的事吧。因為有時候，兩人洗費，只有一個人負責，都幾沉重吧！如果各人自己負責自己的部份，相對地應該會比較輕鬆。

我身邊有一對夫婦朋友，他們十分恩愛，但偏偏他們是十分奉行AA制的，他們會把所有的支出都列明，然後每人負責一半的費用，一方面可以更清晰家庭的開支，另一方面，證明雙方也有義務和權利。而且我相信，當一半真的有經濟需要時，另一半不會見死不救吧！

即使男生的經濟能力條件很好，也不一定要與你分享吧！到最後，我也是與我朋友這樣說﹕「我估如果你繼續都咁諗，覺得男仔一定要俾錢你，又或者你心咁諗時，你既行動都會俾到男仔感受到你既用意，人地都會覺得你係為左錢同佢一齊吧！」雖然我朋友表面上好似明白，但我估佢心底裡應該都唔會認同。不過我都真心祝福佢，希望佢可以搵到一個咁樣既男仔啦！