企业管理：让员工安心，企业自然赚钱

在公司管理中，我们常常听到「以人为本」，但具体怎样做才算真正关顾员工？中国式管理强调「安人之道」，意思是要让员工、顾客、股东甚至社会大众都感到安心。当大家安心，企业自然会步入正轨，利润也会随之而来。

「安人之道」可以分为三个阶段，两个关键要领，以下五个重点。

第一阶段：建立共识，唔好净系讲钱

企业上下要有一致的理念：唔好净系将「赚钱」挂喺嘴边，而系要将「令人安心」作为目标。简单讲，就系「推己及人」你自己想安稳，都要令身边人安稳。

当员工觉得公司关心佢哋，自然会由「向心」变「同心」，再由「信心」变「忠心」。到时工作效率高、士气好，唔需要刻意追利润，利润都会自然嚟。

第二阶段：探究不安，主动了解同事谂咩

作为管理层，唔好等同事出声先去做嘢。要主动去了解：同事有咩不满？顾客有咩投诉？股东有咩忧虑？社会对公司有咩看法？

好似探热针咁，探出大家潜藏嘅不安情绪，及早发现问题。

第三阶段：消除化解，唔好拖，唔好呃

发现问题之后，就要对症下药。可以分三种情况处理：

1. 即刻可以做嘅，就即刻做

   例如，最近天气酷热，同事喺户外工作或出入送货成身汗，返到办公室一脸疲惫。与其等到明年换冷气，不如即刻喺茶水间增设一把强力工业风扇，甚至即日准备冰冻嘅毛巾或纸巾。呢个动作虽然细，但同事会即刻感受到：「公司真系见到我哋辛苦，即刻有行动！」呢啲就系诚意同决心嘅表现。

2. 暂时做唔到嘅，坦白讲

   例如同事想公司安排车接送返工，但公司财政负担唔起，就清楚话俾大家知：「我哋明白大家辛苦，但暂时真系冇办法。」唔好拖住人，唔好畀假希望，否则只会令人失望。

3. 需要时间解决嘅，讲个时间表，例如同事成日话公司电脑太慢，开个档案都要等几分钟。公司可以回应：「我哋明白呢个问题好困扰你哋，我哋已经决定咗要全面升级，但由于预算同采购程序，预计要三个月后先可以全部换新。呢段时间请大家忍耐吓，我哋会定期汇报进度。」咁样讲，同事就会觉得公司有诚意解决，愿意耐心等待。

要领一：讲究方法，唔系讨好，而系尊重

管理唔系一味顺从员工，而系要「惜佢」，唔系「害佢」。要尊重同事、睇得起佢哋，用适合中国人文化嘅方式去领导、沟通、激励。

如果你发现自己愈管愈攰，方法可能已经出咗问题，要识得检讨同调整，唔好死撑。

要领二：注重效果，做咗唔等于做好

任何措施都要追踪成效。如果发现同事依然爱理不理，就要反问自己：系咪态度有问题？方法唔啱？千祈唔好抱住「我讲咗㗎喇，听唔听由你」嘅心态，因为一次冇效果，就会有第二次、第三次。

最后宛达一提：初入职场嘅朋友仔，先睇学到咩，唔好只顾揾几多 ，我成日同后生仔讲：入一间公司，第一件事唔系问人工，而系问「我可唔可以喺度成长」、「考虑自己第时出去会唔会俾人睇低」。如果呢间公司形象好、有得学嘢、有前途，就唔好轻易跳槽。