如何申请商业登记？
有关 什么人要申请商业登记？ 或
请到税务局网站查询
以下只是个人分享，并非官方内容，谢谢。
到底做商业登记既流程系点架呢？
以下就同大家分享下我系点样申请商业登记架啦~
需要既野有：
1.身份证
2.登记费（详情请按此）
首先，做商业登记有两种方法，网上或者亲身到商业登记署办理，但由于本人睇完商业登记置网站之后都系唔太识用，所以比较建议亲身到位于湾仔税务局大楼4楼既商业登记署辨理。
小tips：最好预早少少去，因为要有筹先会帮你整，我当日1点几去到，发觉柜位服务名额已满，好彩有个好心人问我系咪整商业登记，话朝早攞多咗张筹所以俾张我❤️❤️万分感谢🙏🙏🙏
返回正题，去到之后，商业登记署门口会有个架放住商业登记既表格，可以睇返你系申请边一类型而攞返相应既表格，而我当天就系攞独资业务的，攞完表喺门口有枱俾大家填表，但就冇提供笔，记得要自备深蓝/黑色原子笔。
记得要早少少去攞筹呀
要填既资料包括 申请人全名（中及英）、身份证号码、住址、所经营业务既资料（包括 所用名称、营业地点的地址、业务性质、开业日期），然后喺后一页签名同埋写日期，咁就完成架喇！
填完表又到你个筹既时间的话就可以入去柜位排队交表，会同你确认业务名称同埋留个电话，以便有咩资料上面既问题可以叫你返黎改，因为交完表之后仲要等一段时间先缴费。
交完表佢会俾另一张筹你，等大概45分钟后再返黎交钱，如果期间有咩问题就会打你头先留咗𠮶个电话，我当时就喺门外既凳度坐住打呢篇文章😂
45分钟过后可以入去睇下个screen有冇你既号码，如果有就可以去缴费柜位交钱，咁样就完成咗整个申请商业登记既程序架喇~
P.s.财政司司长建议宽免商业登记费，由 2020 年 4 月 1 日起为期一年。政府会尽早向立法会提交有关的法例修订建议，以落实这措施。（资料来源：税务局网页）
以上就系我申请商业登记既流程分享，希望帮到黎紧想申请既人啦
可能会有用的资讯：
Follow my Instagram: @love_music_forever__