如何申請商業登記？
有關 什麼人要申請商業登記？ 或
請到稅務局網站查詢
以下只是個人分享，並非官方內容，謝謝。
到底做商業登記既流程係點架呢？
以下就同大家分享下我係點樣申請商業登記架啦~
需要既野有：
1.身份證
2.登記費（詳情請按此）
首先，做商業登記有兩種方法，網上或者親身到商業登記署辦理，但由於本人睇完商業登記置網站之後都係唔太識用，所以比較建議親身到位於灣仔稅務局大樓4樓既商業登記署辨理。
小tips：最好預早少少去，因為要有籌先會幫你整，我當日1點幾去到，發覺櫃位服務名額已滿，好彩有個好心人問我係咪整商業登記，話朝早攞多咗張籌所以俾張我❤️❤️萬分感謝🙏🙏🙏
返回正題，去到之後，商業登記署門口會有個架放住商業登記既表格，可以睇返你係申請邊一類型而攞返相應既表格，而我當天就係攞獨資業務的，攞完表喺門口有枱俾大家填表，但就冇提供筆，記得要自備深藍/黑色原子筆。
記得要早少少去攞籌呀
要填既資料包括 申請人全名（中及英）、身份證號碼、住址、所經營業務既資料（包括 所用名稱、營業地點的地址、業務性質、開業日期），然後喺後一頁簽名同埋寫日期，咁就完成架喇！
填完表又到你個籌既時間的話就可以入去櫃位排隊交表，會同你確認業務名稱同埋留個電話，以便有咩資料上面既問題可以叫你返黎改，因為交完表之後仲要等一段時間先繳費。
交完表佢會俾另一張籌你，等大概45分鐘後再返黎交錢，如果期間有咩問題就會打你頭先留咗嗰個電話，我當時就喺門外既凳度坐住打呢篇文章😂
45分鐘過後可以入去睇下個screen有冇你既號碼，如果有就可以去繳費櫃位交錢，咁樣就完成咗整個申請商業登記既程序架喇~
P.s.財政司司長建議寬免商業登記費，由 2020 年 4 月 1 日起為期一年。政府會盡早向立法會提交有關的法例修訂建議，以落實這措施。（資料來源：稅務局網頁）
以上就係我申請商業登記既流程分享，希望幫到黎緊想申請既人啦
可能會有用的資訊：
Follow my Instagram: @love_music_forever__
