【年輕也是罪？】教琴，其實都是一種專業。

「請問你是已經考獲八級鋼琴？」

「是的，我是在XXXX年考獲八級，而且獲得優良的成績。」

「咁你有幾多年教琴經驗？」

「本人有五年教琴經驗。」

「中西區，一級，四十五分鐘，每堂幾多錢？」

「之前應該attach左一份關於我的教琴學費比埋你。一級，四十五分鐘，每堂$105。」

「咁你今年幾歲？聽你好似好細個咁咋喎。如果係咁每堂只可以$90」

其實佢問的所有問題，我都已經有寫上，當然我要保持有禮態度同家長講。

「我今年22歲，教左5年琴，正確來講係5.5年。」

「咁即係好後生，我唔希望個小朋友跟個咁年輕既導師，我係期望佢有經驗。」

去到呢個位，我發覺我無謂同呢種家長討論，我放低一句，然後就將我地既對話劃上句號。

「既然你想搵有經驗既導師，我好明白，不過我建議下次將呢個要求清楚寫出來，例如係六年或以上的經驗；仲有，年輕既後生仔並不代表佢沒有經驗，同時都希望你尊重每位教琴的導師。」

教琴讓我見到不同的家長，有的是根本不尊重教琴的導師，覺得「我比錢你教就得，而家係我搵你，你執到喇」呢種不可一世的態度。

我曾經教過一位年約55歲的叔叔，我敎左佢三年琴，沒有一堂缺席過，家中沒有鋼琴，要到附近社區中心租琴練習，到佢成功考到一級的時候，雖然分數不高而且是合格多一點，但佢的喜悅、滿足感是令我最難忘。到最後一個月，佢同我講下個月因為太太患病而放棄學琴，我鼓勵佢將佢平時練琴既歌錄起來，讓太太在患病中可以有一點點的音樂抒懷，而且是你親自演繹，她一定會很高興。我記得叔叔講左一句：「我好多謝你，你係唯一一個老師願意教我三年，以前試過其他的老師，最多兩個月就唔教我，可能嫌我太老，而且你令我覺得自己是可考琴，我遇到一個年輕活力的老師，是我的福氣。」

只希望家長能夠多一點尊重，我明白家長都是為小朋友著想，但我會更加希望家長能講理，還有減少對一些年輕但有經驗的人士的標籤。