【日本游】港女和服拍摄攻略

港女去旅游当然要影靓相啦！除咗为每次嘅旅行留下美好嘅回忆之外，仲可以为青春留下倩影。去到日本，相信大家都会著返套和服，到日本嘅每个角落都影下相。就好似𠮶篇潮文咁：「千祈唔好畀女友著和服！因为佢会觉得自己好靓 ...」每个女仔一著起和服都会发晒癫，立即激发晒身上全部嘅港女细胞，不停系咁影影影，一日几千张相完全系有可能！所以今日就教你，点先可以影到靓靓嘅和服美照啦！

1. 低炒角度
去到日本玩，每个旅游景点都好多游客。随便影张相，唔仔细揾根本无可能揾到自己嘅身影，只会影到一堆人山人海嘅画面。当聚会嘅时候，show啲旅行俾亲朋好友睇，仲要攞只手指指住自己，话俾人知：「呢个咪我啰！」为咗逼免呢类型嘅尴尬情况，一于就低炒啦！一来可以清晰影到自己，完全避开晒其他嘅游客，二来仲可以影到一啲较高嘅景物全景呢！

2. 干净背景

去旅行，景点重要，但著和服，主体都好重要！难得飞到日本，难得扮下架妹，唔通唔影一下自己嘅特写咩？揾一幅干净嘅背景，最好就有少少日本当地嘅元素，然后自己企喺前面摆下pose！唔识摆Pose嘅朋友可以尝试下影啲侧面或者背面，因为和服上面有好多detail位，唔一定要成日系咁影正面ga！

3. 运用道具

如果全辑相都系企直直喺度，难免会觉得有啲闷。但唔系人人都识摆pose，所以道具道派上用场喇！见到啲得意嘢，不妨试试同佢互动下，拎上手又好，摸下佢都好，总之唔好俾个画面咁闷就得喇！成辑旅行相有啲得意啲嘅画面，会令成件事生动好多ga！