註冊安全主任（人稱「安全佬」）係我嘅工作，就唔係長工，間中炒下散，收入都尚可以，勝在時間自由。我興趣多多，但冇樣專長，尋晚就撞啱開完夜，食個早餐轉頭就瞓。
沙嗲牛肉麵當然正啦，但我嘅重點係，果兩隻生蛋。喺自己屋企，相信幾難做到，望落好似熟，實際係生，我鍾意拮穿隻蛋，蛋黃流哂出嚟，然後用個包去點，再食哂啲蛋白，再慢慢嘆碗麵，真係想大聲講：「人生至此，夫復何求！」
不過我冇，因為怕俾人捉入青山，回想讀書時代，早餐都未必食，瞓醒都中午了，食早餐是奢侈，亦費事，瞓多陣好過。
我其中一項興趣，是觀看賽馬。很多人將賽馬，跟賭博掛鈎，其實不然，只是齋睇都可以好爽。
