上世紀90年代在歐洲出差旅行的生活點滴和文化感受

每一年都有一次兩次到總公司開會嘅經驗對不同國家文化嘅同事都有一些基本嘅認識英國和美國人大家非常之老友同聲同氣同文同種好似兄弟一樣由於冇語言隔膜所以談天說地哈哈哈哈溝通上絕對冇問題好多時公司都邀請佢哋做分享環節，有一個美國律師講嘢天花亂墜好吸引人內容就一般般啦法國人就陶醉於浪漫和藝術嘅氣氛中間開會有時都心不在焉好少表達意見我認識嘅巴黎分公司經理係一個博士生睇落去好似哲學家一樣有長長嘅鬍子意大利米蘭分公司嘅經理性格非常之樂觀常常講笑話原來佢係博士嚇我一跳佢每次出席都帶同女副手一齊之後所有的工作都是這位女同事幫忙太好啦我都想啊只不過香港分公司太細只得二三十人邊有資格帶助手一齊出差啊！西班牙葡萄牙嘅同事比較低調，可能佢哋嘅英文唔係好好啦，感覺同開會嘅人士格格不入好少提出意見日本嘅同事同我好老友因為大家都係亞洲人，我又去過東京好多次對日本文化都有所認識，所以比較投契。我最記得孟加拉嘅同事佢話俾我聽佢老公去中國武漢讀博士令人肅然起敬佢話好鍾意中國喎我都與有榮焉！星加波嘅同事年紀比我細，當我係哥哥一樣好多時我去到邊佢都跟住我變咗我一個跟班哈哈呢個係意外嘅收穫！