灵异事件簿～唱歌仔

有晚执好晒野，听到公司有啲声，咁行行下就停低听下啦。。。
听到有人唱歌咁既声。。。
心谂，系咪楼上有人唱歌呀，隔音咁差既咩。。。
走去前门开门，好静㖞，无声。。。
走去后门开门，都好静，无声㖞。。。
头先出露台收太阳遮𠮶阵都好静。。。🥶🥶🥶

有啲惊。。。惊要一齐惊。。。
嗌个厨出黎，喂~过黎听下，听唔听到有声？
佢初时话无，听唔到，然后走返入厨房执野。。。

然后隔左阵，又有勒，嗌佢再出黎听。。。
跟住佢终于话，听到勒，好似啲粤曲声。。。
无咩背景音乐，得人声。。。

执好晒野𠮶阵，我嗌佢快啲走啦，好恐怖呀～
佢唔肯走，仲嗌我唔好出声，好认真咁听。。。🙄
愈黎愈大声。。。我毛管栋晒。。。
啲声好慢既，好似一～呀～叶～轻～走～去～
同埋帝女花𠮶啲咁上下既歌。。。
跟住个厨竟然话 ： 好刺激呀～

🙄🙄🙄