靈異事件簿～唱歌仔

有晚執好晒野，聽到公司有啲聲，咁行行下就停低聽下啦。。。
聽到有人唱歌咁既聲。。。
心諗，係咪樓上有人唱歌呀，隔音咁差既咩。。。
走去前門開門，好靜喎，無聲。。。
走去後門開門，都好靜，無聲喎。。。
頭先出露台收太陽遮嗰陣都好靜。。。🥶🥶🥶

有啲驚。。。驚要一齊驚。。。
嗌個廚出黎，喂~過黎聽下，聽唔聽到有聲？
佢初時話無，聽唔到，然後走返入廚房執野。。。

然後隔左陣，又有勒，嗌佢再出黎聽。。。
跟住佢終於話，聽到勒，好似啲粵曲聲。。。
無咩背景音樂，得人聲。。。

執好晒野嗰陣，我嗌佢快啲走啦，好恐怖呀～
佢唔肯走，仲嗌我唔好出聲，好認真咁聽。。。🙄
愈黎愈大聲。。。我毛管棟晒。。。
啲聲好慢既，好似一～呀～葉～輕～走～去～
同埋帝女花嗰啲咁上下既歌。。。
跟住個廚竟然話 ： 好刺激呀～

🙄🙄🙄