前排喺淘寶買左件衫，有兩條有蝴蝶結既吊帶喺度
收到既時候，有一條帶無左，即刻同客服講少咁條喎，佢仲話唔會咖喎，嗌我搵清楚啲，我仲影埋屋企地下俾佢睇，屋企地下白色磚，條帶黑色，跌落地實睇到 🙄
講講下佢話，退返5蚊俾我，嗌我自己買過條帶啦 😑無得揀啦，寄過黎又要我俾運費，仲貴過買過件。。。
跟住件衫勾住一條帶，放左入洗衣袋，掉入洗衣機洗啦。。。
洗完直接放左入衣櫃無理佢
早幾日諗住拎出黎著，醒起佢，巢返出黎，一拎起。。。 O 左咀。。。 點解件野有齊兩條蝴蝶結帶喺度。。。 😱😱😱
仲要有一條係勾錯左，唔係我勾既。。。個蝴蝶結帶前後調轉左勾。。。🥶🥶🥶
